ايجي هلب | بوابة التحميل و المعلومات
الموقع يستخدم ملفات الارتباط Cookies
لا نحفظ اي معلومات خاصة عنك، ولا نشاركها مع أي طرف ثالث
نضمن لك امان معلوماتك الخاصة مثل موقعك و رقم IP الخاص بك
_______________________

_______________________


شاطر
اذهب الى الأسفل
avatar
updater
ادارة الموقع
ادارة الموقع
ذكر عدد المساهمات : 330
http://www.eghelp.net

دروس مكافحة الهكر :::: 1

في الجمعة 07 سبتمبر 2012, 10:45 am
بسم الله الرحمن الرحيم

ارجو من يدخل ان يقرأ الموضوع كاملا ، مش هتخرج زي ما دخلت صدقني
الموضوع به صور يرجى الأنتظار حتى يكتمل تحميلها
قبل الحديث عن المخترقين (الهكرز) وكيفية ايقافهم
لابد من خطوات تأمين لأي جهاز تقف كحائط صد
لأي محاولة أختراق للجهاز
هذه الخطوات هي كالتالي
1- يجب أن يكون لديك برنامج فيروسات بخاصية Network security لضمان حماية الجهاز من الفيروسات المخبأة في المواقع
يفضل Avast – NOD 32- Avira)) مع عمل SCAN للجهاز كل 3أو4 ايام
بصفة دورية .

2- ثانيا : قم بتفعيل خاصية Firewall عن طريق Control Panel وأجعله On كما في الصورتين التاليتين



ثم



==============================

قم بغلق Automatic updates ولا تحدث البرامج إلا عندما تختار أنت تحديثاتهالأن بعض التحديثات يتم اختراقها ولا يتم التنبيه لذلك في حالة التجديد الآلي للبرامج ( المهم اقفل الخاصية ونزل انت البرامج من مواقع مشهورة محترمة) الطريقة كما في الـ3 صور القادمة



ثم




ثم



=========================

4- لا تستخدم المواقع التي لا يسمح بها برنامج الفيروسات حتى لا تتعرض للضرر
فليس كل الفيروسات يقوم البرنامج بحصرها فقد تكون هناك فيروسات
محدثة فتتمكن من المرور إلى الجهاز

======================================

5- سادسا : لا تحفظ كلمات السر للمواقع غير الموثوق بها فقد تستخدم لأختراق جهازك

======================================

6- سابعا : ارفع مستوى الحماية إلى High عن طريق
Control panel

/security center/
Internet options
ومن تبويت Security قم برفع المستوى إلى High

كما في الـ3 صور التالية



ثم



ثم



==============================



الأن نأتي للهكر
مواصفات الهكر :
ليس كل شخص يمكن أن يكون هكر وهذا من رحمة الله بنا (هههههههههههه)
لأن الهكر لأبد أن يكون انسان متفرغ تمام لعمليته ، سريع البديهة ، متقن للغات البرمجة الشائعة ، مبدع للأفكار ليبتكر طرق جديدة لأختراق الأجهزةوالمواقع.

لماذا يخترق شخص جهازي :
1- سبب عسكري سياسي (مش تبعنا ياعم الحاج)
2- سبب ربحي (ممكن)
3- سبب ترفيهي (هو ده اللي يهمنا)

الغرض العسكري منتشر بين أجهزة المخابرات العالمية وأجهزة الأمن وبين الساسة والدول المتناحرة فليس لنا دخل به ،فهو عمل يتم بين مؤسسات قوية بها افضل المخترقين والمبرمجين في العالم .
وإن كان بعض المخترقين قد فضل البحث في هذا المجال لأكتشاف الجديد ولكنه غالبا لا يستطيع الوصول لشيء لانه فرد يعمل في مواجهة مؤسسة ، فالمواجهة صعبة .

السبب الربحي كأن يخترق أحد جهاز مؤسستك للحصول على معلومات عن نشاطك التجاري أوالشخصي ، الوصول لأرقام بطاقاتك الإئتمانية وغيره وحساباتك البنكية وهو ايضا صعب لأنه فرد في مواجهة شبه مؤسسة .

السبب الترفيهي مختلف الوجهات فقد يكون هدف المخترق هو التسلية فقط بأن يأخذ منك أكونت أو أيميل فقط ، وقد يكون الهدف من الاختراق الوصول لمعلومة إضافية عن الشخص غير متوفرة لدى العامة ، وغيره الكثير حسب الهدف الذي يريده المخترق.
===============

كفاية دوشة كده ، المهم الهكر أخره يعمل معاك ايه وانت مش صاحب شركة ولا أنا شخص مهم .
لازم تعرف ان الهكر بيدخل جهازك لما انت تسمح له بمزاجك أو غصب عنك !! إزاي ؟
عملية الأختراق مش ممكن تتم إلا ب3 عناصر (هكر – وسيط الأختراق- الضحية)
الهكر معروف
الضحية حضرتك
الوسيط بيختلف فممكن يكون ملف تجسس أو موقع استقبال أو غيره
طيب انا عاوز اعرف هو فيه حد بيتجسس عليا باستخدام ملف ولا لأ أعمل ايه ؟

1- أنقر على إبداء Start

2- أكتب في خانة التشغيل Run الأمر : rigedit

3- إفتح المجلدات التالية حسب الترتيب في قائمة Registery Editor :


- HKEY_LOCAL_MACHINE

- Software

- Microsoft

- Windows

- Current Version

- Run

4- والآن من نافذة تسجيل النظام Registry Editor انظر الي يمين النافذة بالشاشة المقسومة ستشاهد قائمة Name أسماء الملفات التي تعمل مع قائمة بدء التشغيل ويقابلها في قائمة Data عنوان الملف .

5- لاحظ الملفات جيدا فإن وجدت ملف لايقابلة عنوان بالـ Data او قد ظهر امامة سهم صغير <--- فهو ملف تجسس إذ ليس له عنوان معين بالويندوز.

وأي ملف يحوي كلمه exe في خانه name .. يعني أن

جهازك مصاب بملف تجسس .. ما عليك إلا حذفه ..

6- تخلص منه بالضغط على الزر الأيمن للفارة ثم Delete

الطريقة الثانية

الطريقة الثانية بواسطة الأمر sconfig

1- انقر ابداء Start

2- اكتب في خانة التشغيل Run الأمر التالي : msconfig

3- سوف تظهر لك نافذة System Configuration Utility أختر لسان التبويب Start up

4- ستظهر لك شاشة تعرض البرامج التي تبداء العمل مباشرة مع بدء التشغيل

5- إفحص هذة البرامج جيدا بالنظر فإن شككت بوجود برامج غريبة لم تقم أنت بتثبيتها بجهازك فقم بالغاء الإشارة الظاهرة بالمربع الصغير المقابل له فتكون بذلك قد اوقفت عمل البرنامج التجسسي او غيره من البرامج الغير مرغوب بها.

ولازم تعمل Restart للجهاز علشان اللي عملته يتنفذ

بكده انت تقريبا خلصت من 80% من ملفات التجسس اللي عندك


الوسيط التاني المواقع

المصيبة التي ابتلينا بها تقريبا 90% منها مواقع اباحية ومواقع الشات كام
والـ10% الباقيين مواقع جلب المعلومات وتخزينها
مش فاهم .... صح .... افهم
المواقع الإباحية بتستخدم طريقة دمج السيرفر مع الباتش بمعنى ان كل لينك أو رابط بيتربط بباتش أو ملف تجسس ، وبمجرد ما حضرتك تضغط على الرابط (سواء كان في شكل صورة أو كلمة ) يبدأ ملف التجسس رحلته في اختراق الجهاز
ودا يوقفه برنامج حماية قوي ، وغنى بالحلال عن الحرام بلاش الحاجات دي يا شبـــــاب
مش ملاحظين حاجة انك لما تدخل شات وتدور على مزة اجنبية فاتحة كاميرا وتطلب منها لينك علشان تفتح الكام 90% من اللينكات بتفتح نفس الموقع واللي بيتغير المزة !!!!!!
مع ان المزة الأجنية ممكن تكون من الصين بس هو نفس الموقع بيفتح معاهم كلهم
اللي انت مش عارفة ان الموقع ده موقع استقبال باتشات ، غير كده مفيش بث مباشر ولا حاجة اللي حضرتك شايفة بث لقناة يويتوب بس خاصة (برايفت) يعني انضحك عليك يا قطة وجهازك بينقل معلومات وانت ولا داري
غير كده المزة مش مزة دا روبوت الكتروني عنده قاعدة بيانات بيرد عليك على حسب كلمات معينة انت بتكتبها وجرب كده واكتب جملة ملهاش معنى بالأنجليزي بس فيها كلمات صح ، وسلملي على سوسو
نرجع لشغل التجسس
الموقع مع كل ضغطه بينفذ أمر ويخترق ملف من ملفات النظام ويغير في اوامر ملفات التشغيل وعيش بقى .
ونظرا لتطور الفيروسات حيث ينتج حوالي 200-500 فيروس جديد كل ساعة لا يجد برنامج الحماية الغلبان مهما كان غير انه يطلع رسالة يقول فيها ان العملية دي غير مرغوب فيها بس حضرتك داخل عشان تكمل ... كمل يا حبيب ، ولما برنامج الفيروس يجيب أخره بيعمل ريستارت للجهاز .

غير المواقع الإباحية فيه مواقع تجميع البيانات
اللي تطلب منك الاشتراك الأول علشان تستخدم خدماتها زي مواقع التحميل ومواقع الجنس مدفوع الأجر وغيرها من المواقع اللي مبيدخلهاش غير الشباب السيس
بس الكلام للكل ولاد وبنات ............... اه فيه كده وكده........مش هنضحك على بعض

طيب اعمل ايه علشان مواقع البيانات دي
1- حاول متستخدمش مواقع غير مشهورة يعني كفاية الياهو والفيس وسكيب بلاش المواقع التانية دي
2- مواقع الشات ..... ممنوع فيها كتابة معلومات معينة زي الرقم القومي ، الكود الوظيفي ، رقمك التأميني ، رقم رخصة مزاولة المهنة (خاص)، او اي بيانات ليس لها طابع العموم ... لكن الأسم وتاريخ الميلاد والعنوان مش مهم عادي لو كتبتها .
3- للناس المريشة اللي بيدخل مواقع مدفوعة الأجر (وهو فاهم) ... لما بتسجل كود بطاقتك الأتمانية الموقع بينسخ الكود وكلمة السر .... يعني انت بقيت مهدد بسحب رصيدك بالكامل بدون اذنك.

دول اشهر 3 حاجات لازم تخلي بالك منهم

===============================
س. هو ازاي الهكر ممكن يخترق جهازي بمزاجي؟
لما تقبل اضافة صديق ع الأيميل مثلا ودا بيحصل كتير تلاقي بمجرد دخولك لغرفة الشات واحد طال اضافة كصديق وبعدين يبعتلك رابط لموقعه الشخصي ونفس النظام مع ملفات التجسس والروابط اللي اتكلمنا عليها من شوية
وممكن ميبعتش رابط ويدردش معاك شوية وبعدين يعمل معاك مشاركة صورة ويبعتلك ملف في وسط الصور تقبله فيسرق بيه الأيميل والباسورد واشرب انت يا كبير ....
فخلي بالك ومتقبلش حاجة إلا من صاحب أو صديق تثق فيه .......

س. هو ممكن الهكر يعرف معلومات عني من غير ما يخترق جهازي
الأجابة ... ممكن طبعا
بمعنى انت ممكن تكون في منتدى ومش كاتب معلومات عن نفسك بس فيه تلميحات زي ايميل ، اسم الدلع بتاعك ، حاجات من دي ......
الهكر شغلته طويلة معاك بس هو لو عاوز يعرف معلومات عنك هيعرف .....
اشرحلك مثال
انا مثلا كاتب اسمي في المنتدى Soso Adel
دا اسم دلع ومعاه اسم والدي أو عائلتي
الهكر بيجمع معلومات عنك من المنتدى يشوف مساهماتك كلها ، يشوف المواضيع اللي انت شاركت فيها ، لو لك اصدقاء بيعمل معاهم نفس اللي عمله معاك
علشان يجمع اكبر قدرمن المعلومات عنك فيبدأ به البحث عنك
مثلا عرف يوصل لسنك أو مجموعك في الثانوة العامة مثلا أو غيره من المعلومات ويبدأ يتعامل مع مواقع مرتبطة بالمعلومات اللي جمعها عنك ويربط اللي يوصله ببعضه لغاية ما يوصل لشخصيتك الحقيقية والعملية دي ممكن تاخد من الهكر المحترف حوالي 3 ساعات شغل متواصل
فيه طريقة تانية انه بيوصل لرقم IP بتاع جهازك عن طريق أوامر احنا بنحفظها وبنستعلها في DOS ويستخدمه في تحديد مثلا محافظتك وعنوانك فدا بيسهل من شغله أكتر ........
بس غالبا الهكر اللي بيحاول يجمع معلومات بيكون عاوز يتأكد من حاجة ، يكشف شخصيتك الحقيقة ، يتسلى بس كده ، مش حاجة ضرورية توصل انك تقلقك منها لأنه في الأخر بيوصل لمعلومات 90% منها الناس اللي انت بتتعامل معاهم يعرفوها .....

وفي النهاية الهكر انسان له الحلو وله الوحش ..........
وفيه امثلة لهكر عملوا حاجات ذكرت في التاريخ زي موقع ويكيليكس اللي فضح زعماء وناس وقضايا فساد في العلم كله ، ومجموعات الهكر العربي اللي استلمت مواقع اليهود ع الفيس ونزلين اختراقات فيها ، وغيره

اسف على الطول ، لكن حبيت اسيب عندك فكرة بشغل الهكر يمكن تنفعك .........
جاهز لأي اسئلة بخصوص الموضوع

----- ----- ------ ----- ----
اتمنى ان ينال إعجابكم  I love you  i wish u like it
avatar
montaser100
ايجي جديد
ايجي جديد
ذكر عدد المساهمات : 4

رد: دروس مكافحة الهكر :::: 1

في السبت 30 أغسطس 2014, 6:06 pm
مشكوررررررررررررررررررررررررررررررررررررررررررررررررررررررررررررررررررررررررررررررررررررررررررررررررر
الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى